Ալիևը շնորհակալություն է հայտնել Պուտինին AZAL-ի ինքնաթիռի վթարի շուրջ ստեղծված իրավիճակի անձնական վերահսկողության համար

Ադրբեջանի նախագահ Իլհամ Ալիևը շնորհակալություն է հայտնել իր ռուս գործընկեր Վլադիմիր Պուտինին AZAL-ի ինքնաթիռի վթարի շուրջ ստեղծված իրավիճակը անձնական վերահսկողության տակ պահելու համար, հաղորդում է AZERTAC-ը։

«Կուզենայի շնորհակալություն հայտնել Ձեզ այս իրավիճակը անձնական վերահսկողության տակ պահելու համար։ <…> Դուք անձամբ եք վերահսկում հետաքննությունը, և մենք կասկած չունեինք, որ այն օբյեկտիվորեն կպարզի ամեն ինչ։ Հետևաբար, կուզենայի կրկին երախտագիտություն հայտնել, որ Դուք անհրաժեշտ համարեցիք մեր հանդիպման ժամանակ հատուկ անդրադառնալու այս հարցին», - ասել է պետության ղեկավարը։

Հիշեցնենք, որ Ադրբեջանի նախագահ Իլհամ Ալիևի հետ հանդիպման ժամանակ Ռուսաստանի նախագահ Վլադիմիր Պուտինը հայտարարել է, որ Ռուսաստանը իրավական գնահատական կտա AZAL-ի ինքնաթիռի վթարի հետ կապված բոլոր պաշտոնատար անձանց գործողություններին։