Ալիևը շնորհավորել է Լուկաշենկոյին ընտրություններում տարած հաղթանակի կապակցությամբ

Ադրբեջանի նախագահ Իլհամ Ալիևն այսօր զանգահարել է Բելառուսի նախագահ Ալեքսանդր Լուկաշենկոյին։

Ինչպես հայտնում է Caliber.Az-ը, այս մասին տեղեկությունը զետեղված է ԱՀ ղեկավարի պաշտոնական կայքում։

Իլհամ Ալիևը շնորհավորել է Ալեքսանդր Լուկաշենկոյին նախագահի պաշտոնում վերընտրվելու կապակցությամբ և հաջողություններ մաղթել նրան իր գործունեության մեջ։

Ալեքսանդր Լուկաշենկոն շնորհակալություն է հայտնել Իլհամ Ալիևին ուշադրության և շնորհավորանքի համար։

Հեռախոսազրույցի ընթացքում պետությունների ղեկավարները մտքեր են փոխանակել երկկողմ համագործակցության հեռանկարների շուրջ և վստահություն հայտնել, որ երկու երկրների միջև բարեկամական և գործընկերային հարաբերությունները կշարունակեն վերընթաց զարգանալ։