COP28-ի շրջանակներում Ադրբեջանում ականային խնդրին նվիրված միջոցառում է անցկացվել

Կլիմայի փոփոխության մասին ՄԱԿ-ի շրջանակային կոնվենցիայի (COP28) Կողմերի համաժողովի 28-րդ նստաշրջանի շրջանակներում՝ Դուբայում տեղի է ունեցել միջոցառում՝ նվիրված Ադրբեջանում ականային խնդրին։

Ինչպես հաղորդում է Caliber.Az-ը, միջոցառմանը ելույթ ունեցող, Ադրբեջանի ականազերծման գործակալության խորհրդի նախագահ Վուգար Սուլեյմանովը պատմել է՝ Ադրբեջանում ականային խնդրի մասշտաբների մասին։

Սուլեյմանովը նշել է, որ Հայաստանի զինված ուժերը Ղարաբաղում և Արևելյան Զանգեզուրում մոտ 1,5 մլն ական են տեղադրել՝ դրանով ավերելով այդ տարածքների մաքուր էկոհամակարգը։

Միջոցառումների շրջանակներում նաև պանելային քննարկումներ են անցկացվել՝ կենսաբազմազանության պաշտպանության և շրջակա միջավայրի վերականգնման արագացման, էկոհամակարգի վրա ականների ազդեցության և ականազերծումից հետո շրջակա միջավայրի վերականգնման նորարարական մեթոդների թեմաներով: Միջոցառման մասնակիցները քննարկել են նաև՝ Ադրբեջանում ականային սպառնալիքի դեմ պայքարի ծրագրի իրականացման ընթացքը։