Ղրղզստանում մեկնարկում են Ադրբեջանի մշակույթի օրեր

Ղրղզստանում մեկնարկում են Ադրբեջանի մշակույթի օրեր:

Ինչպես տեղեկացնում է Report-ը, Ղրղզստանի մշակույթի նախարարության կազմակերպմամբ առաջին անգամ անցկացվող միջոցառման շրջանակներում այս երկրի մայրաքաղաք են ժամանել Ադրբեջանի արվեստի վարպետներ, գրական և մշակութային գործիչներ, ստեղծագործական խմբեր, գրողներ և լրատվամիջոցների ներկայացուցիչներ։

Ապրիլի 21-ից 25-ը Ղրղզստանի մայրաքաղաքի առաջատար մշակութային և կրթական հաստատություններում կկազմակերպվեն ցուցահանդեսներ, համերգներ, գրքերի շնորհանդեսներ, վարպետության դասեր և այլ միջոցառումներ։

Նպատակն է համախմբել ադրբեջանցի և ղրղզ ժողովուրդներին ընդհանուր թյուրքական ինքնության, մշակութային ընդհանուր արժեքների և դարավոր գրական ու գեղարվեստական փոխանակման շուրջ։