Lragir. Մոսկվան իրագործում է Հայաստանի պետականության լուծարման իր ծրագիրը

Հայկական լրատվամիջոցներում և սոցիալական ցանցերում հակառուսական տրամադրությունները շարունակում են ուժեղանալ։ Այս անգամ հայկական ԶԼՄ-ները թիրախավորել են Ռուսաստանը՝ Ադրբեջանի սահմանադրական դաշտ մի շարք բնակավայրերի ու Լաչին քաղաքի վերադարձի պատճառով։

Ինչպես հայտնում է Caliber.Az-ը, երևանյան lragir պարբերականը նախօրեին հրապարակել է հերթական հակառուսական հոդվածը՝ «Կրեմլը հաստատեց պլանը. երկու որոշում Մոսկվա մեկնելուց առաջ» խորագրով, որում Ռուսաստանի Դաշնության ղեկավարությունը մեղադրվում է «հայոց պետականությունը լուծարելու» մեջ:

«Կառավարությունն այսօրվա նիստում երկու որոշում է ընդունել։ Կենսաթոշակի և նպաստների բարձրացումը, որը պետք է տեղի ունենար 2023-ի հունվարի 1-ից, տեղի է ունենալու սեպտեմբերից։ Մյուս որոշմամբ հավանություն է տրվել ՀՀ ՊՆ առաջարկած նախագծին, որով զորակոչիկներին հնարավորություն է տրվում 24 մլն դրամ վճարելով՝ վաղաժամկետ ազատվել պարտադիր զինվորական ծառայությունից։

Երկու պոպուլյար որոշում, որոնք անկասկած լավ են ընդունվելու զանգվածների կողմից։ «Խաղաղ օրակարգի տրամաբանությանը» համապատասխան։ Այդ օրակարգը պետք է երևա նաև գետնի վրա, մարդիկ զգան դրա առավելությունները։

Մոսկվան ներկայում արագացնում է Հայաստանի հանդեպ իր պլանների իրականացումը։ Ղարաբաղում ռուսները հանձնեցին Լաչինի միջանցքը, տեղահանելով հայ բնակչությանը, և զինաթափման պահանջներ են ներկայացնում։ Հայաստանում պատրաստ են արտատարածքային միջանցքների երթուղիները, ռուսական հենակետերով սահմանափակվելու է ՀՀ իրավասությունը մի շարք տարածքների հանդեպ։ Միով բանիվ՝ Մոսկվան իրագործում է Հայաստանի պետականության լուծարման իր ծրագիրը, որը պետք է «օրինականացնեն» ՀՀ կառավարությունը և խորհրդարանն իրենց որոշումներով ու օրենքներով», - գրում է պարբերականը: