Իլհամ Ալիևը ժամկետային զինվորական ծառայության զորակոչի մասին հրամանագիրը է ստորագրել

Նախագահ Իլհամ Ալիևը հրամանագիր է ստորագրել՝ Ադրբեջանի քաղաքացիներին 2025 թվականի հուլիսի 1-ից մինչև հուլիսի 30-ը ժամկետային զինվորական ծառայության զորակոչելու և ժամկետային զինծառայողներին պահեստ արձակելու մասին:
 
Ինչպես հաղորդում է Caliber.Az-ը, այս մասին տեղեկատվությունը տեղադրվել է պետության ղեկավարի պաշտոնական կայքում։
 
Հրամանագրի համաձայն՝ հուլիսի 1-ից մինչև հուլիսի 30-ը ժամկետային զինվորական ծառայության կզորակոչվեն 2007 թվականին ծնված Ադրբեջանի Հանրապետության քաղաքացիները, որոնց զորակոչի օրը (ներառյալ այս օրը) լրացել է 18 տարեկան, ինչպես նաև 1995-2006 թվականներին ծնված, մինչև 30 տարեկան քաղաքացիները, որոնք չեն անցել զինվորական ծառայություն, չունեն տարկետման իրավունք կամ չեն ազատվում Ադրբեջանի Հանրապետության զինված ուժերում ժամկետային զինվորական ծառայության զորակոչից։ 2025 թվականի հուլիսի 1-ից մինչև հուլիսի 30-ը «Զինվորական պարտականության և զինվորական ծառայության մասին» օրենքի 38.1.1 հոդվածով նախատեսված, ծառայության ժամկետը լրացած զինծառայողները կարձակվեն պահեստ։ Նախարարների կաբինետին հանձնարարվել է ձեռնարկել օրենքով նախատեսված միջոցառումներ՝ այս հրամանագրի կատարման  համար։