Ադրբեջանում կսկսեն աճեցնել երաշտադիմացկուն խաղողի սորտ

Ադրբեջանում կսկսեն աճեցնել երաշտադիմացկուն Կալարդիս բլան (Calardis Blanc) խաղողի սորտ, որը մշակվել է Խաղողի սելեկցիայի ինստիտուտի (Գերմանիա) կողմից:

Ինչպես Report-ին հայտնել է Ադրբեջանի գյուղատնտեսության նախարարության խաղողագործության և գինեգործության գիտահետազոտական ինստիտուտի տնօրեն Վուգար Սալիմովը, համաձայնագրի շրջանակներում այս խաղողի սորտի 100 տնկիներ արդեն ուղարկվել են Շամախիի շրջան։

Մասնագետները կուսումնասիրեն դրանց մշակումը անջրդի հողագործության պայմաններում, հարմարվողականությունը, դիմացկունությունը հիվանդությունների, վնասատուների, երաշտի և բարձր ջերմաստիճանի նկատմամբ:

Եթե արդյունքները հաջող լինեն, Կալարդիս բլանը կառաջարկվի մշակել ֆերմերային տնտեսություններում: