Խորհրդարանում կոչ են արել լրացուցիչ միջոցներ հատկացնել Կասպից ծովը փրկելու համար

Միլլի Մեջլիսում (խորհրդարանը) առաջարկել են պետականբյուջեից լրացուցիչ միջոցներ հատկացնել՝ Կասպից ծովում բնապահպանական աղետը կանխելու համար։

Report-ի փոխանցմամբ՝ նման առաջարկով հանդես է եկել Բնական պաշարների, էներգետիկայի և բնապահպանության խորհրդարանական հանձնաժողովի նախագահ Սադիգ Գուրբանովը 2026 թվականի բյուջեի նախագծի լսումների ժամանակ։

Պատգամավորի խոսքով՝ Կասպից ծովի ջրի մակարդակի գրեթե երկու մետր անկումը լուրջ ռիսկեր է առաջացնում տարածաշրջանի բնապահպանական անվտանգության համար։

«Հավանական աղետը կանխելու համար անհրաժեշտ են միջոցներ շրջակա միջավայրի պաշտպանության միջոցառումների համար, ինչպիսիք են անձրևաջրերի հավաքումը, կեղտաջրերի մաքրումը և ջրային ենթակառուցվածքների արդիականացումը։ 2026 թվականի բյուջեում բնապահպանական ծախսերի ավելացումը և այդ միջոցների արդյունավետ օգտագործումը կարևոր են կուտակված խնդիրները լուծելու համար», - ասել է Գուրբանովը։