Ադրբեջանում տասնյակ հազարավոր անչափահասներ վերականգնման ծառայություններ են ստացել

Բժշկասոցիալական փորձաքննության և վերականգնման պետական ​​գործակալության մանկական վերականգնման կենտրոններում (ՄՎԿ) այս տարվա հունվար-հոկտեմբեր ամիսներին՝ վերականգնման ծառայություններ են մատուցվել  առողջության սահմանափակ հնարավորություններով 33 հազար անչափահասների։

Ինչպես հայտնում է Caliber.Az-ը նախարարությանը հղումով, նրանցից 1,7 հազարը ստացել է ստացիոնար բուժում, ավելի քան 22 հազարը՝ ամբուլատոր, մնացածը՝ բնակության վայրում, առցանց, հիպոթերապիա, շարժական վերականգնում։
 
Ներկայումս վերականգնման ծառայություններ են մատուցվում՝ Գործակալության Բաքվի թիվ 1 և 2 մանկական վերականգնման կենտրոններում, ինչպես նաև Գաբալայի և Շամքիրի շրջանների մանկական վերականգնման կենտրոններում: