Վագիֆ Խաչատուրյանի առողջական վիճակի մասին

Հայտնի են դարձել Ադրբեջանում բանտարկված Վագիֆ Խաչատուրյանի առողջական վիճակի մանրամասները։

Ինչպես APA-ին հայտնել է «Ենի կլինիկա»-ի վերակենդանացման բաժանմունքի վարիչ և TƏBİB-ի գործադիր տնօրենի խորհրդական Էմիլ Գասիմովը, 70-ամյա Խաչատուրյանը 2025 թվականի դեկտեմբերի լույս 23-ի գիշերը ծանր վիճակում շտապ հոսպիտալացվել է «Ենի կլինիկա»-ի վերակենդանացման բաժանմունք՝ աորտայի ստենոզ, միջին չափի միտրալ ստենոզ և դեկոմպենսացված քրոնիկ սրտային անբավարարություն ախտորոշմամբ, ինչը հանգեցրել է թոքային այտուցի և ծանր շնչառական անբավարարության զարգացմանը։

Էմիլ Գասիմովը հայտնել է, որ վերակենդանացման բաժանմունքում իրականացված բուժման միջոցառումները, այդ թվում՝ դեղորայքային բուժումը, ջրային բալանսի կարգավորումը և թոքերի արհեստական օդափոխությունը դրական արդյունքներ են տվել։

«Ներկայումս հիվանդը դուրս է եկել կյանքին սպառնացող կրիտիկական փուլից, սակայն նրա վիճակը շարունակում է մնալ ծանր։ Բուժումը շարունակվում է վերակենդանացման բաժանմունքում ինտենսիվ հսկողության ներքո», - նշել է նա։

Վագիֆ Խաչատուրյանը մեղավոր է ճանաչվել Խոջալուի շրջանի Մեշելի գյուղում հայկական անօրինական զինված կազմավորումների կազմում ցեղասպանություն իրականացնելու մեջ և դատապարտվել 15 տարվա ազատազրկման 2023 թվականի նոյեմբերի 7-ին։