ՄԱԿ. Ադրբեջանը զգալի առաջընթաց է գրանցել՝ Հաշմանդամություն ունեցող անձանց իրավունքների մասին կոնվենցիայի շրջանակներում

Ադրբեջանը զգալի առաջընթաց է գրանցել՝ Հաշմանդամություն ունեցող անձանց իրավունքների մասին կոնվենցիայի և մինչև 2030 թվականի կայուն զարգացման օրակարգի ոլորտում:
 
Ինչպես հաղորդում է Trend-ը, այս մասին հայտարարել է Ադրբեջանում ՄԱԿ-ի մշտական ​​համակարգող Վլադանկա Անդրեևան Բաքվում՝ Ադրբեջանում ՄԱԿ-ի գրասենյակի և Ադրբեջանի Հանրապետության բնակչության աշխատանքի և սոցիալական պաշտպանության նախարարության կողմից կազմակերպված լրատվամիջոցներում ներառական լեզվի կիրառման խթանման վերաբերյալ սեմինարի ժամանակ։
 
Նրա խոսքով՝ մի քանի շաբաթ առաջ Դոհայում կայացած սոցիալական զարգացման գագաթնաժողովում նույնպես ընդգծվել է, որ սոցիալական առաջընթացը հնարավոր է միայն հասարակության բոլոր շերտերի լիարժեք ներառման դեպքում.
 
Այս տարի ՄԱԿ-ի գլխավոր քարտուղարը ներկայացրել է՝ հաշմանդամության հարցերի վերաբերյալ իր վեցերորդ համակարգային զեկույցը։ Այս զեկույցը արտացոլում է վերջին վեց տարիների ընթացքում մեր համատեղ կատարած աշխատանքը, ընդգծում է 2019-2024 թվականներին ձեռք բերված առաջընթացը և սահմանում է ավելի բարձր նպատակներ՝ ապագա գործողությունների համար։
 
«Ադրբեջանը զգալի առաջընթաց է գրանցել՝ Հաշմանդամություն ունեցող անձանց իրավունքների մասին կոնվենցիայի և մինչև  2030 թվականի Կայուն զարգացման օրակարգի իրականացման շրջանակներում: Հատուկ ուշադրություն է դարձվում Կայուն զարգացման 10-րդ և 16-րդ նպատակներին: Ձեռք բերված  առաջընթացը հպարտություն է առաջացնում, սակայն հաշմանդամության հետ կապված հարցերի լուսաբանման և ներկայացման հարցում դեռևս որոշակի դռվարություններ կան», - նշել է Անդրեևան: