Ադրբեջանում առաջին անգամ անցկացվել է ՏՏ անվտանգության համապարփակ գնահատում

Ադրբեջանում միասնական մեթոդաբանության հիման վրա  առաջին անգամ անցկացվել է՝ կրիտիկական տեղեկատվական ենթակառուցվածքների օբյեկտների կիբերանվտանգության գնահատում։
 
AZERTAC-ի փոխանցմամբ, այս մասին հայտարարել է Ադրբեջանի Հանրապետության պետական ​​անվտանգության ծառայության (ԱՀԾ) ազգային կիբերանվտանգության կենտրոնի ղեկավար Դավուդ Ռուստամովը՝ Ադրբեջանի կիբերանվտանգության կազմակերպությունների ասոցիացիայի (AKTA) 2025 թվականի գործունեության արդյունքների  ամփոփմանը նվիրված  միջոցառման ժամանակ։
 
Նրա խոսքով 2024 թվականի մայիսի 29-ին Նախարարների կաբինետի թիվ 501 որոշմամբ հաստատվել է՝ կրիտիկական տեղեկատվական ենթակառուցվածքների օբյեկտների ցանկը, և այս ուղղությամբ սկսվել է ռիսկերի գնահատումը։
 
Նա նշել է, որ Նախարարների կաբինետի թիվ 229 որոշման համաձայն՝ լիազոր մարմինները ստեղծել են հատուկ հանձնաժողով՝ պետական ​​հատվածում գործող կրիտիկական  տեղեկատվական ենթակառուցվածքների օբյեկտների անվտանգության վիճակը գնահատելու համար։ Հանձնաժողովի աշխատանքի սկզբնական փուլում հայտնաբերվել են անհամապատասխանություններ՝ առանձին սուբյեկտների ինքնագնահատման արդյունքների և նրանց ինքնապաշտպանության իրական մակարդակի միջև, ինչը, ըստ կենտրոնի տնօրենի, վկայում է անվտանգության միջոցառումները ուժեղացնելու անհրաժեշտության մասին։