Ադրբեջանում սկսվել է համաներման մասին օրենքի կիրառումը

Ադրբեջանում սկսվել է նախագահ Իլհամ Ալիևի կողմից նախաձեռնված համաներման մասին օրենքի կիրառումը։

Report-ի փոխանցմամբ՝ համաներման մասին օրենքը կիրառվում է Արդարադատության նախարարության Քրեակատարողական ծառայության քրեակատարողական հիմնարկներում։

Համաներումը նախաձեռնվել է նախագահ Իլհամ Ալիևի կողմից, և Միլլի Մեջլիսը (Խորհրդարանը) դրա հիման վրա ընդունել է համապատասխան օրենք։

Համներման մասին օրենքը նախատեսում է պատժից կամ քրեական պատասխանատվությունից ազատել այն անձանց, ովքեր մասնակցել են Ադրբեջանի Հանրապետության ինքնիշխանության և տարածքային ամբողջականության պաշտպանության համար ռազմական գործողություններին, այդ թվում՝ Հայրենական պատերազմին և 2023 թվականի սեպտեմբերի 19-20-ը անցկացված հակաահաբեկչական գործողությանը, ինչպես նաև այդ գործողությունների ընթացքում զոհվածների կամ անհետ կորածների մերձավոր ազգականներին, քաղաքացիական բնակչության դեմ ՀՀ ռազմական սադրանքի հետևանքով հաշմանդամ դարձած անձանց, ինչպես նաև կանանց, 60 տարեկանից բարձր անձանց, հանցագործության պահին անչափահաս անձանց և այլն։

Բացի այդ, փաստաթղթի համաձայն, համաներումը վերաբերում է մի շարք անձինք, որոնք դատապարտվել են ազատազրկման այնպիսի հանցագործությունների համար, որոնք մեծ հանրային վտանգ չեն ներկայացնում, ինչպես նաև անփութությամբ կատարված հանցագործությունների համար։