Ադրբեջանը ներկայացված է Մալայզիայի մշակութային փառատոնում

Մալայզիայի միջազգային իսլամական համալսարանում կազմակերպվել է մահմեդական երկրների ավանդական մշակութային փառատոն։

AZERTAC-ի փոխանցմամբ՝ միջազգային միջոցառման շրջանակներում ներկայացվել են տարբեր երկրների ազգային ստենդներ, գրքերի ցուցահանդես, անցկացվել է իսլամական գեղագրության մրցույթ, ներկայացվել երկրների երաժշտությունն ու մշակույթը։ Մալայզիայում Ադրբեջանի դեսպանատան պատրաստած ստենդում ցուցադրվել և հանդիսատեսին են բաժանվել Ադրբեջանի պատմությանը, մշակույթին, զբոսաշրջային ներուժին, գրականությանն ու երաժշտությանը նվիրված նյութեր։

Միջոցառման շրջանակներում ցուցադրվել է նաև Ադրբեջանի մասին տեսահոլովակ, Իսլամական համալսարանում սովորող Հաֆիզ Ռահիմովը, Շահին Մուզաֆարովը, Ագշին Մամեդովը կատարել են ադրբեջանական ազգային պարեր և երգեր։