Ալիևն ու Ռահմոնը քննարկել են երկկողմ օրակարգի հրատապ հարցեր

Դեկտեմբերի 4-ին՝ Տաջիկստանի նախագահ Էմոմալի Ռահմոնը զանգահարել է Ադրբեջանի նախագահ Իլհամ Ալիևին։
 
Ինչպես հայտնում է Caliber.Az-ը, այս մասին տեղեկություն է տեղադրված ԱՀ ղեկավարի պաշտոնական կայքում։
 
Էմոմալի Ռահմոնը շնորհավորել է Իլհամ Ալիևին COP29-ի հաջող կազմակերպման կապակցությամբ և ընդգծել՝ համաժողովի արդյունքների կարևորությունը կլիմայական գլոբալ օրակարգի խթանման տեսանկյունից։
 
Իլհամ Ալիևը շնորհակալություն է հայտնել շնորհավորանքի համար և գոհունակությամբ նշել է՝ Էմոմալի Ռահմոնի մասնակցությունը COP29-ի ղեկավարների գագաթնաժողովին և Տաջիկստանի պատվիրակության ակտիվ ներդրումը COP29-ի քննարկումներում։
 
Հեռախոսազրույցի  ժամանակ մտքերի փոխանակություն է տեղի ունեցել՝ երկկողմ օրակարգի ընթացիկ հարցերի, ինչպես նաև ԱՊՀ-ում Տաջիկստանի առաջիկա նախագահության շրջանակներում համագործակցության հարցերի շուրջ։