Ալիևները Սարսանգի ջրամբարից Աղդերեյի Ումուդլու գյուղ տանող ճանապարհի բացմանը ԼՈՒՍԱՆԿԱՐ / ԹԱՐՄԱՑՎԱԾ

Ադրբեջանի նախագահ Իլհամ Ալիևը և առաջին տիկին Մեհրիբան Ալիևան մասնակցել են Սարսանգի ջրամբարից Աղդերեյի շրջանի Ումուդլու գյուղ տանող վերակառուցված ճանապարհի բացմանը։

Այս մասին հայտնում է Caliber.Az-ը՝ վկայակոչելով երկրի ղեկավարի մամուլի ծառայությանը։ Ավտոմոբիլային ճանապարհների պետական գործակալության խորհրդի նախագահ Սալեհ Մամեդովը Իլհամ Ալիևին տեղեկացրել է կատարված աշխատանքի մասին։

Նշենք, որ ճանապարհի վերակառուցումն իրականացվել է բարձր մակարդակով՝ անցյալ տարի Իլհամ Ալիևի ստորագրած կարգադրությանը համապատասխան։ Չորրորդ տեխնիկական կարգի ճանապարհի երկարությունը 9,4 կիլոմետր է, իսկ երթևեկելի գոտիների լայնությունը՝ 6 մետր։ Վերակառուցման շրջանակներում ձեռնարկվել են բոլոր միջոցները հարմարավետ և անվտանգ երթևեկությունն ապահովելու համար։

Ճանապարհային ենթակառուցվածքների բարելավումը Ադրբեջանի պետական քաղաքականության առաջնահերթություններից է։ Երկրի ղեկավարի հանձնարարականների և հրահանգների համաձայն՝ օկուպացիայից ազատագրված տարածքներում արագ տեմպերով շարունակվում են ճանապարհային ենթակառուցվածքների վերականգնման և վերակառուցման, ժամանակակից չափանիշներին համապատասխանեցնելու աշխատանքները։ Այս տարածքներում իրականացվող ճանապարհային նախագծերը մեծ նշանակություն ունեն հայրենի հողեր վերադարձող բնակչության կենսապայմանների բարելավման, տնտեսական կապերի ամրապնդման և տրանսպորտային ցանցի անվտանգության ապահովման առումով։

10:23

Ադրբեջանի նախագահ Իլհամ Ալիևը և առաջին տիկին Մեհրիբան Ալիևան մասնակցել են՝ Սարսանգի ջրամբարից Աղդերեի շրջանի Ումուդլու գյուղ տանող վերակառուցված ավտոմոբիլային ճանապարհի բացմանը։ 

Այս մասին հայտնում է Caliber.Az-ը՝  պետության ղեկավարի մամուլի ծառայությանը հղումով։