Ի.Ալիև. Կամավորական շարժումը ադրբեջանական երիտասարդության հաջող գործունեության մարմնավորումն է

Բաքվի կոնգրես կենտրոնում իր աշխատանքն է սկսել՝ Ադրբեջանի կամավորների համերաշխության 7-րդ ֆորուը:
 
Ինչպես հայտնում է Caliber.Az-ը, ավելի քան երեք հազար ադրբեջանցի կամավորներ մասնակցում են՝ «Կանաչ աշխարհի համար համերաշխության տարվան» նվիրված միջոցառմանը։
 
Ադրբեջանի նախագահ Իլհամ Ալիևը ուղերձ է հղել ֆորումի մասնակիցներին.
 
«Կամավորական շարժումը, որը մեր երկրում առանձնահատուկ թափ ստացավ անցյալ դարի 90-ականներին՝ համազգային առաջնորդ Հեյդար Ալիևի օրհնությամբ, որը դարձավ ազգային և հոգևոր արժեքներին նվիրվածության և հայրենիքին ծառայելու օրինակ, հանդիսանում է  ադրբեջանական երիտասարդության ներկայիս հաջող գործունեության մարմնավորումը՝ հանուն ընդհանուր նպատակի հասնելու։ Մեր պետության համակողմանի աջակցության շնորհիվ այս շարժման շարքերը մշտապես ընդլայնվում են։ Շարժվելով վերելքի ճանապարհով՝ այն հասել է իր զարգացման ներկայիս մակարդակին և կարողացել է ընդգրկել հասարակական կյանքի բոլոր ոլորտները։
 
Առանձնահատուկ կարևոր է ձեր ֆորումի կազմակերպումը՝ «Կանաչ աշխարհի համար համերաշխության տարվա» շրջանակներում։ Այսպես, մեր կամավորները, ովքեր իրենց պրակտիկ գործունեության մեջ միշտ առաջնորդվում են այնպիսի բարձրագույն մարդկային հատկանիշներով, ինչպիսիք են՝ բարությունը, անձնուրացությունը և անշահախնդիր  օգնությունը, մեծ ավանդ են ներդնում  քաղաքացիներին բնության և շրջակա միջավայրի պահպանության բնագավառում կրթելու գործում։ Մեր երկրում Կլիմայի փոփոխության մասին ՄԱԿ-ի շրջանակային կոնվենցիայի (COP29) Կողմերի կոնֆերանսի 29-րդ նստաշրջանի անցկացման օրերին, որը հանդիսանում է աշխարհում խոշորագույն և կարևոր իրադարձություններից մեկը, նրանք արժանապատվորեն. են կատարել իրենց  պարտականությունները:
 
Պետական ​​ինքնիշխանության և տարածքային ամբողջականության լիովին վերականգնման արդյունքում՝ մենք արդեն մեր անկախության պատմության նոր փուլ ենք ապրում: Օկուպացիայից ազատագրված տարածքներում կյանքը արագ վերականգնելու համար աննախադեպ շինարարական աշխատանքներ են անցկացվում։ Կամավորները, ովքեր երիտասարդական քաղաքականության հիմնարար սկզբունքներին համապատասխան իրենց նորարարական սոցիալական նախաձեռնություններով ծառայում են մեր երկրի կայուն առաջընթացին, ակտիվորեն մասնակցում են Մեծ վերադարձի գործընթացին»։