Ի.Ալիևը ցավակցություն է հայտնել Էրդողանին

Հունվարի 23-ին Ադրբեջանի նախագահ Իլհամ Ալիևը զանգահարել է՝ Թուրքիայի նախագահ Ռեջեփ Թայիբ Էրդողանին։
 
Ինչպես հայտնում է Caliber.Az-ը, այս մասին տեղեկություն է  տեղադրվել ԱՀ ղեկավարի պաշտոնական կայքում։
 
Իլհամ Ալիևը խորը ցավակցություն է հայտնել Ռեջեփ Թայիբ Էրդողանին՝ Թուրքիայի Բոլու նահանգի Քարթալքայա լեռնադահուկային հանգստավայրում գտնվող հյուրանոցում բռնկված հրդեհի հետևանքով մեծ թվով մարդկանց  զոհվելու կապակցությամբ։
 
Ադրբեջանի նախագահը նաև շուտափույթ ապաքինում է մաղթել այս ողբերգության հետևանքով տուժածներին։ Իլհամ Ալիևը նշել է, որ հունվարի 21-ին ցավակցական  ուղերձ է հղել Ռեջեփ Թայիփ Էրդողանին։
 
Թուրքիայի նախագահը երախտագիտություն է հայտնել ուշադրության և ցավակցության  համար և ընդգծել, որ Թուրքիան և Ադրբեջանը միշտ միմյանց կողքին են և միշտ էլ այդպես կլինի։
 
Հեռախոսազրույցի ընթացքում պետությունների ղեկավարները մտքեր են փոխանակել՝ երկկողմ հարաբերությունների տարբեր ոլորտների շուրջ։