Ի.Ալիևը շնորհավորել է Տոկաևին

Ադրբեջանի նախագահ Իլհամ Ալիևը  ուղերձ է հղել Ղազախստանի նախագահ Կասըմ-Ժոմարտ Տոկաևին։
 
Ինչպես հայտնում է Caliber.Az-ը, այս մասին տեղեկություն է տեղադրված ԱՀ ղեկավարի պաշտոնական կայքում։
 
Ուղերձում Իլհամ Ալիևը շնորհավորել է Կասըմ-Ժոմարտ Տոկաևին և Ղազախստանի ողջ ժողովրդին այս երկրի ազգային տոնի՝ Հանրապետության օրվա կապակցությամբ։
 
Իլհամ Ալիևը նշել է, որ Ադրբեջանը շահագրգռված է արդյունավետ գործընկերության զարգացմամբ և եղբայրական Ղազախստանի հետ համատեղ նախագծերի իրականացմամբ՝ տնտեսության, տրանսպորտի և լոգիստիկայի, ենթակառուցվածքների, էներգետիկայի, հումանիտար և այլ ոլորտներում։ Նախագահը վստահություն է հայտնել, որ Ադրբեջանը և Ղազախստանը հաջողությամբ կշարունակեն համատեղ ջանքերը ադրբեջանա-ղազախական կապերի ընդլայնման ուղղությամբ՝ ինչպես երկկողմ, այնպես էլ բազմակողմ, խորացնելու համագործակցությունը բոլոր բնագավառներում՝ հանուն մեր ժողովուրդների բարօրության, մեր երկրների և ընդհանուր առմամբ տարածաշրջանի բարգավաճման, ռազմավարական գործընկերությունների և դաշինքների հետագա ամրապնդման համար: