Թենդիրում հաց թխելու ադրբեջանական արվեստը ճանաչվել է ՅՈՒՆԵՍԿՕ-ի ոչ նյութական ժառանգություն

ՄԱԿ-ի կրթության, գիտության և մշակույթի կազմակերպությունը (ՅՈՒՆԵՍԿՕ) ադրբեջանական թենդիրի պատրաստման և հաց թխելու արվեստը ներառել է ոչ նյութական մշակութային ժառանգության ցանկում։
 
Այս մասին ասվում է՝ ՅՈՒՆԵՍԿՕ-ի Ադրբեջանի հարցերով ազգային հանձնաժողովի X սոցիալական ցանցում հրապարակման մեջ, հայտնում է Trend-ը։
 
«Այսօր Պարագվայի Ասունսիոն քաղաքում՝ ՅՈՒՆԵՍԿՕ-ի ոչ նյութական մշակութային ժառանգության պաշտպանության միջկառավարական կոմիտեի 19-րդ նստաշրջանի ժամանակ առաջադրվել է՝ «Ադրբեջանում թենդիրի պատրաստման և հաց թխելու արվեստը» խորագրով անվանակարգը, որն արտացոլում է  ադրբեջանական ժողովրդի հարուստ մշակույթն ու ավանդույթները, հաջողությամբ ընդգրկվել է՝ մարդկության ոչ նյութական մշակութային ժառանգության ներկայացուցչական ցուցակում:
 
Այսպիսով, ՅՈՒՆԵՍԿՕ-ի ոչ նյութական մշակութային ժառանգության ցանկում ընդգրկված ադրբեջանական մշակույթի տարրերի թիվը հասել է 24-ի: Մշակութային ժառանգության այս տարրը ոչ միայն վկայում է Ադրբեջանի վառ ավանդույթների մասին, այլև արժեքավոր ներդրում է համաշխարհային մշակույթի մեջ: Այն ընդգծում է Ադրբեջանի մշտական աջակցությունը ՅՈՒՆԵՍԿՕ-ի արժեքների առաջմղման գործում։
 
Մենք անկեղծորեն շնորհավորում ենք ադրբեջանական ժողովրդին՝ այս հրաշալի նվաճման կապակցությամբ»,- ասված է հրապարակման մեջ։