Ուզբեկստանի դեսպանը նշել է Ադրբեջանի հետ հագեցված մշակութային փոխանակումը

Ուզբեկստանի և Ադրբեջանի միջև մշակութային փոխանակումը տարեցտարի ավելի ու ավելի ինտենսիվ է դառնում։
 
Այս մասին հայտարարել է Ուզբեկստանի դեսպան Բահրոմ Աշրաֆխանովը՝ Բաքվում Ուզբեկստանի մշակույթի օրերի բացման արարողության ժամանակ։
 
Դիվանագետի խոսքով՝ երկու երկրների միջև մշակութային համագործակցությունը վերջին երեք տարիների ընթացքում կայուն զարգանում է՝ Ադրբեջանում անցկացվում են  Ուզբեկստանի մշակույթի օրեր, իսկ Ուզբեկստանում ադրբեջանական մշակույթին նվիրված միջոցառումներ։
 
«Մենք ոչ միայն ներկայացնում ենք ուզբեկական երաժշտությունն ու պարը, այլև ներառում ենք տեղական ավանդույթների ընդհանուր տարրեր, ինչը փոխանակումն ավելի կենսունակ է դարձնում», - նշել է դեսպանը։
 
Նա ընդգծել է, որ այսօրվա բացման արարողությունը միջոցառումների առաջին օրն էր, որոնք կշարունակվեն ամբողջ շաբաթվա ընթացքում։ Տոնակատարությանը մասնակցել են կառավարական մարմինների պաշտոնատար անձինք, խորհրդարանականներ, տարբեր երկրների դեսպաններ, ինչպես նաև ուզբեկական երաժշտության և դասական երաժշտության սիրահարներ։
 
«Համերգային ծրագրում ներառված էին ինչպես ուզբեկական, այնպես էլ ադրբեջանական երգեր, իսկ պարային համարներում ներառված էին երկու ազգային մշակույթների տարրեր», - ասել է Բ. Աշրաֆխանովը։
 
Նրա խոսքով, Մշակույթի օրերի ծրագիրը ներառում է նաև «Նավրուզ» պարային խմբի ելույթը Հեյդար Ալիևի պալատում, նվագախմբային համերգներ Ֆիլհարմոնիայում, ինչպես նաև տւղևորություն դեպի Ֆիզուլի, որտեղ Միրզա Ուլուղբեգի անվան թիվ 1 միջնակարգ դպրոցում՝ տեղի բնակիչներին կներկայացվի երաժշտական ​​և պարային կոմպոզիցիա: