Ադրբեջանը դեսպանատուն է բացում Բահրեյնում

Նախագահ Իլհամ Ալիևը օրենք է ստորագրել՝ Բահրեյնի Թագավորությունում (քաղաք Մանամա) Ադրբեջանի Հանրապետության դեսպանություն ստեղծելու մասին։
 
Caliber.Az-ի փոխանցմամբ՝ այս մասին տեղեկատվությունը տեղադրվել է պետության ղեկավարի պաշտոնական կայքում։
 
Բացի դրանից, նախագահը  կարգադրություն է ստորագրել Բահրեյնում Ադրբեջանի դեսպանատան գործունեության ապահովման մասին։ Նախարարների կաբինետին հանձնարարվել է՝ լուծել դեսպանատան ֆինանսավորման և նյութատեխնիկական ապահովման հարցերը, իսկ Արտաքին գործերի նախարարությանը՝ հաստատել դրա կառուցվածքը և  հաստիքը։