AIPAC-ի նախագահը շնորհակալություն է հայտնել Ի.Ալիևին՝ հրեական համայնքի գործունեության համար ստեղծված պայմանների համար

Ադրբեջանի նախագահ Իլհամ Ալիևն ընդունել է՝ Ամերիկա- իսրայելական հանրային կապերի կոմիտեի (AIPAC) նախագահ Մայքլ Տուչիին և կոմիտեի նորընտիր նախագահ Բեռնարդ Կամինեցկիին։
 
Ինչպես հայտնում է Caliber.Az-ը, այս մասին տեղեկություն է տեղադրված ԱՀ ղեկավարի պաշտոնական կայքում։
 
Մայքլ Տուչին և Բեռնար Կամինեցկին ասել են, որ Ադրբեջան այցի ընթացքում եղել են Գուբայի շրջան՝ Կրասնայա Սլոբոդա ավանում և նշել, որ այս ավանի գոյությունը, նրա զարգացումը, այնտեղ ստեղծված լեռնային հրեաների եզակի թանգարանը նույնպես օրինակ են  հանդիսանում ամբողջ աշխարհի համար։ Հյուրերը շնորհակալություն են հայտնել՝ հրեական համայնքի գործունեության և կրոնական արարողությունների համար Ադրբեջանում ստեղծված պայմանների և այս ուղղությամբ պետական ​​մակարդակով ցուցաբերվող հոգածության համար։
 
Իր հերթին Իլհամ Ալիևը նշել է, որ Ադրբեջանում տարբեր կրոնական և էթնիկ խմբերի ներկայացուցիչներ միշտ խաղաղ ապրել են մեր երկրում դարեր շարունակ. Իլհամ Ալիևն ընդգծել է, որ դա Ադրբեջանի պետական ​​քաղաքականության անբաժանելի մասն է։ Պետության ղեկավարն ասել է, որ Ադրբեջանը միջազգային մակարդակով լուրջ ավանդ է ներդնում միջմշակութային և միջկրոնական երկխոսության մեջ, և Բաքվում այս թեմայով բազմաթիվ միջոցառումներ են անցկացվում։