Ալիև. Նոր փուլ է սկսվել՝ Ադրբեջանի և Հայաստանի միջև խաղաղության փուլը

Ադրբեջանի և Հայաստանի միջև խաղաղության փուլ է սկսվել։
 
Այս մասին հայտարարել է Ադրբեջանի նախագահ Իլհամ Ալիևը՝ ելույթ ունենալով Ադրբեջան-Ղազախստան Միջպետական բարձրագույն ​​խորհրդի երկրորդ նիստում, հաղորդում է AZERTAC-ը։
 
«Այսօր սկսվում է, ես նույնիսկ կասեի, սկսվել է նոր փուլ. Ադրբեջանի և Հայաստանի միջև խաղաղության փուլը։ Եվ վերջին բախումներից ընդամենը երկու տարի անց, խաղաղության համաձայնագրի նախաստորագրումը ցույց է տալիս, որ երկու երկրներն էլ ցուցաբերել են քաղաքական կամքի բավականին բարձր մակարդակ», - նշել է պետության ղեկավարը։ Նա ընդգծել է ԱՄՆ նախագահ Դոնալդ Թրամփի դերը՝ Ադրբեջանի և Հայաստանի միջև հարաբերությունների կարգավորման գործում, որը արժանի է ամենաբարձր գովասանքի։