Ալիևն ընդունել է D-8-ի գլխավոր քարտուղարին

Մարտի 4-ին Ադրբեջանի նախագահ Իլհամ Ալիևը ընդունել է՝ D-8 տնտեսական համագործակցության կազմակերպության գլխավոր քարտուղար Իսիակ Աբդուլգադիր Իմամին։
 
Ինչպես հայտնում է Caliber.Az-ը, այս մասին տեղեկություն է տեղադրվել պետության ղեկավարի պաշտոնական կայքում։
 
Հանդիպմանը Իլհամ Ալիևը երախտագիտություն է հայտնել մասնակից երկրներին՝ Ադրբեջանին D-8-ում ընդունելու միաձայն որոշման համար և հայտարարել, որ Ադրբեջանը բոլոր ջանքերը կգործադրի կազմակերպության զարգացման համար։ Նախագահը նշել է, որ այս որոշումը հարգանքի դրսևորում է մեր երկրի նկատմամբ և ամուր բարեկամության օրինակ D-8 պետությունների հետ։ Իլհամ Ալիևն ընդգծել է, որ Ադրբեջանը D-8-ի մասնակիցների հետ հաստատել է արդյունավետ և կառուցողական հարաբերություններ, որոնք հիմնված են փոխադարձ ազգային շահերի վրա, և նշել է D-8-ի աշխարհագրության ընդլայնման կարևորությունը՝ դեպի կովկասյան-կասպյան տարածաշրջան։
 
Գլխավոր քարտուղարն ասել է, որ 1,2 միլիարդ բնակչություն ունեցող D-8-ը հսկայական առևտրատնտեսական ներուժ ունի։ Նա ընդգծել է, որ կազմակերպության հիմնական նպատակը հանդիսանում է՝ պետությունների միջև առևտրատնտեսական հարաբերությունների զարգացումը և վստահություն է հայտնել, որ Ադրբեջանը զգալի ներդրում կունենա D-8-ի հետագա զարգացման գործում։
 
Հանդիպման ընթացքում մտքերի փոխանակություն է տեղի ունեցել՝ D-8-ի շրջանակներում համագործակցության հեռանկարների շուրջ այնպիսի ոլորտներում, ինչպիսիք են՝ էներգետիկան, կլիմայական գործողությունները, առևտուրը, փոքր և միջին բիզնեսի զարգացումը, երիտասարդական քաղաքականությունը և փոխադարձ հետաքրքրություն ներկայացնող այլ հարցեր։