Ալիևը՝ Ադրբեջանի տարածաշրջաններում ենթակառուցվածքային նախագծերի և զբաղվածության մասին

Մեր տարածաշրջաններում խոշոր ենթակառուցվածքային նախագծերը գրեթե ավարտված են։ Վերջին տարիներին կառավարության գծով, կառավարության ներդրումային ծրագրերի միջոցով  ապահովվել է դեպի լավը մեծ շրջադարձ։
 
AZERTAC-ի տվյալներով՝ ասյս մասին ասել է նախագահ Իլհամ Ալիևը՝ ընդունելով Նախչըվանում նախագահի նոր լիազոր ներկայացուցչին և մի քանի շրջաներում  նշանակված գործադիր իշխանությունների ղեկավարներին։
 
«Մի քանի տարածաշրջանային զարգացման ծրագրերի իրականացումը հաջողությամբ ավարտվել է։ Կարելի է ասել, որ էլեկտրաէներգիայի մատակարարման իրավիճակը, որը ենթակառուցվածքային հիմնական ուղղությունն է հանդիսանում, բոլոր տարածաշրջաններում լիովին կարգավորվել է», - նշել է պետության ղեկավարը։
 
Ի.Ալիևը նաև հավելել է, որ շրջաններում զբաղվածության հարցերը գլխավոր առաջնահերթություններից են հանդիսանում։
 
«Ընդհանուր առմամբ, վերջին տարիներին Ադրբեջանում զբաղվածության ոլորտում լայնածավալ բարեփոխումներ են իրականացվել, և գործազրկության մակարդակը նվազել է։ Սակայն, ճիշտ է նաև այն, որ այսօր նույնպես շրջաններից դեպի Բաքու, խոշոր քաղաքներ միգրացիայի միտումները շարունակվում են։ Դրա համար կան տարբեր պատճառներ», - ընդգծել է պետության ղեկավարը։