Ալիևը՝ Բաքվի և Աստանայի միջև համագործակցության ամրապնդման մասին

Հոկտեմբերի 21-ին Աստանայում տեղի է ունեցել՝ Ադրբեջանի նախագահ Իլհամ Ալիևի և Ղազախստանի նախագահ Կասըմ-Ժոմարտ Տոկաևի  դեմ առ դեմ հանդիպումը։
 
Caliber.Az-ի փոխանցմամբ՝ այս հանդիպման մասին տեղեկատվությունը տեղադրվել է պետության ղեկավարի պաշտոնական կայքում։
 
Հանդիպմանը Իլհամ Ալիևը նշել է, որ Ղազախստանն այժմ ցուցադրում է զարգացման բարձր մակարդակ, երկրում ապահովվում է սոցիալ-քաղաքական կայունություն, ամրապնդվում է տնտեսությունը։
 
Նախագահը ընդգծել է, որ Բաքուն ուշադիր հետևում է Կասըմ-Ժոմարտ Տոկաևի ղեկավարությամբ Ղազախստանում իրականացվող բարեփոխումներին և լիովին աջակցում է՝ արդիականացման և երկրի ներուժի ամրապնդման այս կուրսին։
 
Անդրադառնալով երկկողմ հարաբերություններին,  Իլհամ Ալիևը հայտարարել է, որ Ադրբեջանը  նպատակաուղղված է՝ Ղազախստանի հետ բոլոր ոլորտներում համագործակցության  ամրապնդմանը։ Նախագահը հավելել է, որ այսօր նախատեսված է Բարձրագույն միջպետական ​​խորհրդի նիստ, որտեղ կրկին կքննարկվի ընդարձակ օրակարգը և կուրվագծվեն գործընկերության ամրապնդման հետագա քայլերը։