Ալիևը հաստատել է՝ Հարկային օրենսգրքի և «Մաքսային սակագնի մասին» օրենքի փոփոխությունները

Ադրբեջանի նախագահ Իլհամ Ալիևը հաստատել է՝ Հարկային օրենսգրքի և «Մաքսային սակագնի մասին» օրենքի փոփոխությունները, որոնցով երկարաձգվում է Բաքվի նավաշինարանի համար հարկային արտոնությունների ժամկետը։
 
Caliber.Az-ի փոխանցմամբ՝ այս մասին տեղեկատվությունը տեղադրվել է պետության ղեկավարի պաշտոնական կայքում։
 
Փոփոխությունների համաձայն՝ Գարադաղի արդյունաբերական պարկի ռեզիդենտ Բաքվի նավաշինարան ԲԲԸ-ի շահույթը ազատվում է հարկերից վեց տարի ժամկետով՝ սկսած 2025 թվականի հունվարի 1-ից։ Նավահանգստի գործունեության համար ներմուծվող ապրանքների մաքսային տուրքերից ազատումը նույնպես երկարաձգվել է մինչև 2030 թվականը։