Ալիևը և Վալտոնենը մտքեր են փոխանակել՝ Ադրբեջանի և Ֆինլանդիայի միջև երկկողմ հարաբերությունների հեռանկարների վերաբերյալ ԼՈՒՍԱՆԿԱՐ

Հոկտեմբերի 15-ին Ադրբեջանի Հանրապետության նախագահ Իլհամ Ալիևն ընդունել է՝ ԵԱՀԿ գործող նախագահ և Ֆինլանդիայի արտաքին գործերի նախարար Էլինա Վալտոնենի գլխավորած պատվիրակությանը։
 
Caliber.Az-ի փոխանցմամբ՝ այս մասին տեղեկատվությունը տեղադրվել է պետության ղեկավարի պաշտոնական կայքում։ Զրույցի ընթացքում գոհունակությամբ նշվել են՝ Ադրբեջանի և Ֆինլանդիայի նախագահների հանդիպումները, ինչպես նաև Ֆինլանդիայի բարձր մակարդակի մասնակցությունը՝ Բաքվում կայացած COP29 միջոցառմանը։
 
Էլինա Վալտոնենը շնորհավորել է Իլհամ Ալիևին՝ Վաշինգտոնում Ադրբեջանի և Հայաստանի կողմից ձեռք բերված հաջողությունների համար, նշել է  դրանց նշանակությունը՝ տարածաշրջանային համագործակցության և ԵԱՀԿ տարածքում խաղաղության ու կայունության վերականգնման համար։
Հյուրը հայտարարել է, որ Ադրբեջանի և Հայաստանի  դիմումի հիման վրա, ԵԱՀԿ Մինսկի գործընթացը և դրան առնչվող կառույցները կլուծարվեն մինչև այս տարվա դեկտեմբերի 1-ը։
 
Իլհամ Ալիևը ընդգծել է, որ Վաշինգտոնում Ադրբեջանի և Հայաստանի միջև ձեռք բերված համաձայնությունները, որոնց ականատես է եղել ԱՄՆ նախագահ Դոնալդ Թրամփը, ստեղծել են բարենպաստ պայմաններ խաղաղության օրակարգի առաջխաղացման համար։
 
Նախագահը անդրադարձել է TRIPP նախագծի կարևորությանը տարածաշրջանային համագործակցության համար՝ նշելով, որ այն օգտակար կլինի ամբողջ տարածաշրջանի համար։