Բաքվում «Ղարաբաղյան գիշեր» կանցկացնեն

Հունիսի 26-ին Բաքվում տեղի կունենա՝ «Ղարաբաղյան գիշերը հերթական բարեգործական համերգը:
 
Ինչպես տեղեկացնում է Report-ը, միջոցառումը կանցկացվի՝ Ղարաբաղի վերածննդի հիմնադրամի նախաձեռնությամբ և կազմակերպմամբ, Մշակույթի նախարարության և Ադրբեջանի պետական ​​ակադեմիական ֆիլհարմոնիայի կազմակերպչական աջակցությամբ, ինչպես նաև «Ադրբեջանի հեռուստատեսություն և ռադիոհեռարձակում» ՓԲԸ-ի տեղեկատվական աջակցությամբ։
 
Ադրբեջանի պետական ​​ակադեմիական ֆիլհարմոնիայում օպերային ժանրում կայանալիք համերգին կմասնակցեն՝ աշխարհահռչակ տենոր, ժողովրդական արտիստ Յուսիֆ Էյվազովը, վաստակավոր արտիստ Աֆագ Աբբասովան, մենակատարներ Մահիր Թաղիզադեն և Այթաջ Շիխալիզադեն։ Որպես դիրիժոր հանդես կգա վաստակավոր արտիստ Էյուբ Գուլիևը։
 
Հիշեցնենք, որ մինչ օրս կազմակերպվել է չորս նմանատիպ համերգ՝ երկուսը՝ Բաքվում (2022 և 2024), մեկը՝ Գյանջայում (2023) և մեկը՝ Շուշայում (2024):