Բաքվում քննարկվել են հայ-ադրբեջանական սահմանի սահմանազատման պլանները

Բաքվում՝ «Ադրբեջանի արտաքին քաղաքականությունը ինքնիշխանության վերականգնումից հետո. առաջնահերթություններ և մարտահրավերներ» թեմայով դիվանագիտական ​​​​ծառայության մարմինների ղեկավարների 9-րդ հանդիպման՝ «Կասպից ծով, սահմանների սահմանազատում, միջազգային պայմանագրեր» վեցերորդ պանելի շրջանակներում քննարկվել են՝ ադրբեջանա-հայկական սահմանի սահմանազատման և սահմանագծման պլանները:

Այս մասին հաղորդում է Caliber.Az-ը՝ հղում անելով Ադրբեջանի արտաքին գործերի նախարարությանը։
 
Տեղեկատվության համաձայն, որպես հիմնական զեկուցող հանդես է եկել  արտաքին գործերի փոխնախարար Սամիր Շարիֆովը։
 
Պանելային քննարկումը կենտրոնացած էր՝ Կասպից ծովի իրավական կարգավիճակի որոշման վերաբերյալ ներկայիս իրավիճակի, Ադրբեջանի և Հայաստանի միջև սահմանի սահմանազատման և սահմանագծման պլանների, ինչպես նաև երկկողմ և բազմակողմ միջազգային իրավական  բազայի զարգացման հարցերի վրա։