Քերիմ Վելիևը՝ Ադրբեջանի և Թուրքիայի միջև հարաբերությունների մակարդակի մասին

Ադրբեջանի և Թուրքիայի միջև հարաբերությունները գտնվում են ամենաբարձր մակարդակի վրա։

Ինչպես հաղորդում է Caliber.Az-ը, այս մասին հայտարարել է Ադրբեջանի պաշտպանության նախարարի առաջին տեղակալ, Գլխավոր շտաբի պետ Քերիմ Վելիևը՝ Բաքվում Թուրքիայի Հաղթանակի օրվա կապակցությամբ կազմակերպված ընդունելության ժամանակ:

Նա նշել է, որ պետությունների ղեկավարները բացառիկ դեր են խաղում այս հաջողության մեջ։ Շուշայի հռչակագրի համաձայն՝ մեր հարաբերությունները բարձրացել են դաշինքի մակարդակի, հավելել է նա։