Զելենսկին՝ Ադրբեջանի դեսպանատան վրա հարվածի մասին

Ուկրաինայի նախագահ Վլադիմիր Զելենսկին նշել է, որ Ուկրաինայի վրա Ռուսաստանի կողմից իրականացված հարվածների հետևանքով վնասվել է Ադրբեջանի դեսպանատունը։

Report-ի հաղորդմամբ՝ Զելենսկին այս մասին գրել է սոցիալական ցանցերում։

«Այս գիշեր ռուսական ուժերը կրկին հարվածել են Ուկրաինային՝ օգտագործելով ավելի քան 30 հրթիռ և մոտ 600 անօդաչու թռչող սարք։ Հրթիռակոծության հետևանքով զոհվել է 17 մարդ, այդ թվում՝ չորս երեխա։ Տասնյակ մարդիկ ծանր վիճակում են, բժիշկները պայքարում են նրանց կյանքի համար։ Վնասվել է թուրքական ձեռնարկություն, Ադրբեջանի դեսպանատունը, Եվրամիության ներկայացուցչությունը, Բրիտանական խորհուրդը, ինչպես նաև բնակելի թաղամասեր», - գրել է նա։