ՌԴ ավիահարվածը Կիևին. Բաքվում Ուկրաինայի դեսպանատանը բացվել է Սգո մատյան

Ադրբեջանում Ուկրաինայի դեսպանատանը բացվել է Սգո մատյան՝ նվիրված օգոստոսի 28-ի գիշերը Կիևի վրա ռուսական ավիահարվածի հետևանքով զոհվածների հիշատակին։

Ինչպես հաղորդում է Caliber.Az-ը, այս մասին իր Ֆեյսբուքյան էջում հայտնել է Ադրբեջանում Ուկրաինայի դեսպան Յուրի Գուսևը։

«Օգոստոսի 29-ը Կիևում և մարզում սգո օր է, որը հայտարարվել է Ռուսաստանի հարձակումից հետո, որի հետևանքով զոհվել է 23 մարդ, այդ թվում՝ 4 երեխա։ Ցավակցությունները կարող եք ուղարկել Ադրբեջանում Ուկրաինայի դեսպանատուն. emb_az@mfa.gov.ua», - գրել է Գուսևը։