Ուկրաինայի նախագահը շնորհակալություն է հայտնել Ադրբեջանին աջակցության համար

Ուկրաինայի նախագահ Վլադիմիր Զելենսկին շնորհակալություն է հայտնել Ադրբեջանին իր երկրին ցուցաբերած աջակցության համար։

Ինչպես հաղորդում է Caliber.Az-ը, Ուկրաինայի առաջնորդը համապատասխան հրապարակումը զետեղել է X սոցիալական ցանցում։

Նա նշել է, որ բարձր է գնահատում Ադրբեջանի նախագահ Իլհամ Ալիևի շնորհավորանքը Անկախության օրվա կապակցությամբ, ինչպես նաև նրա հարգանքը Ուկրաինայի և ուկրաինացի ժողովրդի նկատմամբ։

«Հարգելի նախագահ, Ուկրաինան և Ադրբեջանը միշտ աջակցել են միմյանց ինքնիշխանությանը և տարածքային ամբողջականությանը։ Մենք անկեղծորեն շնորհակալ ենք բարեկամ Ադրբեջանին մարդասիրական և այլ օգնության համար։ Անհամբեր սպասում ենք մեր ռազմավարական գործընկերության հետագա ամրապնդմանը՝ ի շահ մեր ժողովուրդների», - ասվում է հայտարարության մեջ։