ԵԱՀԿ նախագահող երկիրը սկսում է Մինսկի խմբի լուծարումը

ԵԱՀԿ-ում նախագահող Ֆինլանդիան սկսել է անհրաժեշտ քայլեր ձեռնարկել՝ արձագանքելով Ադրբեջանի և Հայաստանի՝ Մինսկի խումբը լուծարելու համատեղ կոչին։

Այս մասին Report-ի եվրոպական բյուրոյին հայտնել է ֆին դիվանագետ Թոնի Սանդելը, որը երկրի արտաքին գործերի նախարարությունում ստեղծված Ֆինլանդիայի ԵԱՀԿ նախագահության 2025 թվականի աշխատանքային խմբի ղեկավարի տեղակալն է։

«Որպես Եվրոպայում անվտանգության և համագործակցության կազմակերպության (ԵԱՀԿ) նախագահ՝ Ֆինլանդիան ողջունում է օգոստոսի 8-ին Վաշինգտոնում ստորագրված համաձայնագրերը», - նշել են գերատեսչությունում։

Այս համաձայնագրերը կարևոր փուլ են նշանավորում Ադրբեջանի և Հայաստանի միջև հարաբերությունների կարգավորման և տարածաշրջանում տևական խաղաղության հասնելու ճանապարհին, նշել է Սանդելը։