Ֆրանսիան նոր դեսպան է ուղարկել Ադրբեջան

Ֆրանսիան նոր դեսպան է նշանակել Ադրբեջանում։

Ըստ APA-ի, այս մասին սոցիալական ցանցերում գրել է Ֆրանսիայի դեսպանատունը։

Տեղեկատվության համաձայն, Սոֆի Լագուտը նշանակվել է Ադրբեջանում Ֆրանսիայի նոր դեսպան։

Նոր դեսպան Ս. Լագուտը նույնպես այս մասին գրառում է կատարել սոցիալական ցանցերի իր էջում։

«Ինձ համար մեծ պատիվ է ծառայել Ֆրանսիային, մեր շահերին և հայրենակիցներին որպես դեսպան Ադրբեջանում։ Ես կկատարեմ այս պաշտոնը՝ շարունակելով Անն Բուայոնի ուղին։

Ադրբեջանում Ֆրանսիայի դեսպանատան թիմի հետ միասին ես անհամբեր սպասում եմ այս տարածաշրջանում ֆրանս-ադրբեջանական հարաբերությունների հետագա զարգացման հնարավորությանը, որը ռազմավարական նշանակություն ունի մեր երկրի և Եվրամիության համար», - նշել է դիվանագետը։