Սպիտակ տան մամուլի քարտուղարը կիսվել է Ադրբեջանի դեսպանի հարցազրույցով

Սպիտակ տան մամուլի քարտուղար Քերոլայն Լևիթը X-ի իր էջում կիսվել է ԱՄՆ-ում Ադրբեջանի դեսպան Խազար Իբրահիմի՝ Washington Examiner պարբերականին տված հարցազրույցով։

Ինչպես հաղորդում է Caliber.Az-ը, «Ադրբեջանի և Հայաստանի միջև պատմական համաձայնագրից հետո Ադրբեջանի դեսպանը Թրամփին անվանել է «իսկական խաղաղարար»» վերնագրով հարցազրույցում Խազար Իբրահիմն ընդգծել է Թրամփի վարչակազմի կարևոր դերը Ադրբեջանի և Հայաստանի միջև խաղաղության համաձայնագրի նախաստորագրման գործում։

Դիվանագետի խոսքով՝ Թրամփի նախագահության երկրորդ ժամկետի սկզբից ի վեր Բաքուն վստահ է եղել, որ ԱՄՆ առաջնորդը դրական փոփոխությունների կհասնի Կովկասում։