Եվրամիության խորհրդի նախագահը զանգահարել է Իլհամ Ալիևին

Եվրամիության խորհրդի նախագահ Անտոնիո Կոշտան զանգահարել է Ադրբեջանի նախագահ Իլհամ Ալիևին։
 
Ինչպես հայտնում է Caliber.Az-ը, այս մասին տեղեկություն է տեղադրվել պետության ղեկավարի պաշտոնական կայքում։
 
Անտոնիո Կոշտան ցավակցություն է հայտնել Իլհամ Ալիևին և ողջ ադրբեջանական ժողովրդին՝ ինքնաթիռի կործանման կապակցությամբ և հայտարարել, որ ԵՄ-ն սատարում է Ադրբեջանի դիրքորոշումը՝ կործանման համապարփակ հետաքննության հարցում։ Նախագահ Իլհամ Ալիևը շնորհակալություն է հայտնել ցավակցության  համար։
 
Հեռախոսազրույցի ընթացքում մտքերի փոխանակություն է տեղի ունեցել՝ տրանսպորտային հարցերի, մասնավորապես Միջին միջանցքով փոխադրումների, Կասպից և Սև ծովի ավազանները միացնող «կանաչ» էներգետիկ միջանցքի ստեղծման նախագծի, ադրբեջանական գազի ԵՄ երկրներ արտահանման և էներգետիկայի ոլորտում համագործակցության  շուրջ։