Ի.Ալիև. Ադրբեջանը այն քիչ վայրերից մեկն է, որտեղ հակասեմիտիզմ չկա

Նախագահ Իլհամ Ալիևը շնորհավորել է Ադրբեջանի հրեական համայնքին հրեական Նոր տարվա՝ Ռոշ Հաշանայի կապակցությամբ։
 
Caliber.Az-ի փոխանցմամբ՝ այս մասին տեղեկատվությունը տեղադրվել է պետության ղեկավարի պաշտոնական կայքում։
 
«Սրտանց շնորհավորում եմ Ձեզ հրեական Նոր տարվա՝ Ռոշ Հաշանայի կապակցությամբ և հայտնում եմ իմ ամենաջերմ մաղթանքները։
 
Հրեական համայնքը հատուկ տեղ է զբաղեցնում Ադրբեջանում, որտեղ պատմականորեն տիրում են հանդուրժողականության առաջադեմ ավանդույթները և համակեցության  բարձր կուլտուրան։ Հրեաները, որոնք այսօր մեր հասարակության անբաժանելի մասն են կազմում, դարեր շարունակ ապրել են այլ ժողովուրդների և հավատքների ներկայացուցիչների հետ կողք կողքի՝ խաղաղության, փոխադարձ հարգանքի և վստահության մթնոլորտում։
 
Ժամանակակից աշխարհում Ադրբեջանը այն քիչ վայրերից մեկն է, որտեղ չկա հակասեմիտիզմ, քսենոֆոբիա  և էթնո-կրոնական անհանդուրժողականություն։ Մշակութային բազմազանության պահպանումը, ազգային փոքրամասնությունների լեզվի և մշակույթի զարգացումը, բազմամշակութային արժեքների խթանումը Ադրբեջանում անցկացվող  պետական ​​քաղաքականության առաջնահերթ ուղղություններից են։
 
Մեր հրեական ծագում ունեցող քաղաքացիները ակտիվորեն մասնակցում են հասարակական և քաղաքական կյանքի բոլոր ոլորտներում՝ արժանի ներդրում ունենալով հասարակության մեջ ազգային և հոգևոր համերաշխության հետագա ամրապնդման և Ադրբեջանի իրողությունները միջազգային հանրությանը հասցնելու գործում», - ասվում է նախագահի ուղերձում։