Ի.Ալիև. Մենք Թուրքիայի հետ տարեկան ավելի քան 10 համատեղ զորավարություններ ենք անցկացնում

Մենք Թուրքիայի հետ տարեկան ավելի քան 10 համատեղ զորավարժություններ ենք անցկացնում՝ կեսը Ադրբեջանում, կեսը՝ Թուրքիայում, և ըստ էության հասել ենք ռազմական գործողություններում փոխգործունակության բարձր աստիճանի։ Եվ, իհարկե, սա Կովկասում կայունության կարևոր գործոն է։
 
Ինչպես հաղորդում է AZERTAC-ը, այս մասին Ադրբեջանի նախագահ Իլհամ Ալիևը հայտարարել է՝ «Россия сегодня» միջազգային տեղեկատվական գործակալության գլխավոր տնօրեն Դմիտրի Կիսելյովին տված հարցազրույցում։
 
«Այսօրվա աշխարհը և իրադարձությունների զարգացումը ևս մեկ անգամ ապացուցում են, որ աշխարհն արմատապես փոխվել է, և այն իրողությունները, որոնք ստեղծվել են, և խաղի կանոնները, որոնք որոշվել են Երկրորդ համաշխարհային պատերազմից հետո, այսօր արդեն չեն գործում, և նույնիսկ համաշխարհային դերակատարները դա չեն թաքցնում»,- ընդգծել է պետության ղեկավարը։