Ի.Ալիևն ընդունել է՝ Ռուսաստանի, Ղազախստանի և Ուզբեկստանի էներգետիկ ընկերությունների ղեկավարներին

Մարտի 4-ին Ադրբեջանի նախագահ Իլհամ Ալիևը ընդունել է՝ ռուսական «Tatneft» ընկերության գործադիր տնօրեն Նաիլ Մագանովին, ղազախական «KazMunaiGas»-ի խորհրդի նախագահ Ասխատ Խասենովին և Ուզբեկստանի «Ուզբեկնեֆտեգազ» ընկերության խորհրդի նախագահ Բահոդիրժոն Սիդիկովին։
 
Ինչպես հայտնում է Caliber.Az-ը, այս մասին տեղեկություն է տեղադրվել պետության ղեկավարի պաշտոնական կայքում։
 
Հանդիպմանը Իլհամ Ալիևը հայտարարել է՝ բազմակողմ համագործակցության նոր փուլի մեկնարկի մասին և  հայտնել՝ այդ ուղղությամբ նախապատրաստական ​​աշխատանքների հաջող անցկացման մասին։ Նախագահը գոհունակությամբ նշել է, որ Ադրբեջանի, Ռուսաստանի, Ղազախստանի և Ուզբեկստանի նավթային ընկերությունները սերտ արտադրական կապեր են հաստատել, պատմել է երկկողմ ձևաչափով մի շարք նախագծերի իրագործման մասին և ընդգծել այդ ոլորտում ջանքերի համախմբման կարևորությունը։
 
Պետության ղեկավարը նշել է նաև քառակողմ համագործակցության դերը՝ համատեղ արտադրության  և բարեկամ երկրների համար պատվերների կատարման գործում։
 
Զրույցի ընթացքում մտքերի փոխանակություն է տեղի ունեցել համագործակցության նոր ձևաչափի հեռանկարների շուրջ, վստահություն է հայտնվել, որ դա խթան կհանդիսանա մեր երկրների միջև տնտեսական կապերի հետագա ընդլայնման համար։ Ընդգծվել է, որ այս ձևաչափը նախատեսում է համագործակցություն այնպիսի ոլորտներում, ինչպիսիք են արտակարգ իրավիճակների  վերացումը և համատեղ արձագանքման խմբերի ստեղծումը, թվային տեխնոլոգիաների և ծրագրային ապահովման ոլորտում աշխատանքների օպտիմալացումը, համատեղ գնումների կազմակերպումը, ինչպես նաև արդյունաբերության տարբեր ոլորտների զարգացումը։ Նշվել է, որ նոր ձևաչափը բաց է  մյուս արտասահմանյան ընկերությունների մասնակցության համար։