Ի.Ալիևը՝ Բալլըջա գյուղում կահույքի և կահույքի պարագաների արտադրության գործարանի բացմանը

Դեկտեմբերի 23-ին Ադրբեջանի Հանրապետության նախագահ Իլհամ Ալիևը մասնակցել է՝ Խոջալուի շրջանի Բալլըջա գյուղում գտնվող «Accurate Az» ԲԲԸ գրասենյակային կահույքի և կահույքի պարագաների արտադրության գործարանի բացմանը։
 
AzerTAC-ի փոխանցմամբ,  տնտեսության նախարար Միքայիլ Ջաբբարովը և «Accurate Az» ԲԲԸ հիմնադիր Իլքին Աբուշովը՝ պետության ղեկավարին ներկայացրել են գործարանի գործունեության մասին։
 
Հաղորդվել է, որ գործարանը հագեցած է Թուրքիայից, Շվեյցարիայից, Գերմանիայից, Իտալիայից, Չինաստանից և Ճապոնիայից ներմուծված առաջատար տեխնոլոգիաներով և սարքավորումներով։ Այն տարեկան կարտադրի 240,000 միավոր գրասենյակային կահույք՝ 20 տեսակի, և 4 միլիոն միավոր կահույքի պարագաներ։ Արտադրանքի վաթսուն տոկոսը կարտահանվի, իսկ 40 տոկոսը կմատակարարվի  ներքին շուկա։ Գործարանում կիրականացվեն գրասենյակային կահույքի արտադրության բոլոր փուլերը՝ հումքից մինչև պատրաստի արտադրանք։