Ի.Ալիևը հանդիպել է Սաուդյան Արաբիայի ներդրումների նախարարի հետ

Սեպտեմբերի 6-ին Ադրբեջանի նախագահ Իլհամ Ալիևը Իտալիայի Չեռնոբիա քաղաքում հանդիպել է՝ Սաուդյան Արաբիայի ներդրումների նախարար, Ադրբեջան-Սաուդյան Արաբիա համատեղ միջկառավարական հանձնաժողովի համանախագահ Խալիդ բին Աբդուլազիզ Ալ-Ֆալիհի հետ։
 
Ինչպես հայտնում է Caliber.Az-ը, այս մասին տեղեկություն է տեղադրված ԱՀ ղեկավարի պաշտոնական կայքում։
 
Զրույցի ընթացքում քննարկվել են երկու երկրների միջև համագործակցության հարցեր, մասնավորապես էներգետիկայի ոլորտում, Acwa Power ընկերության աշխատանքը։ Նշվել է, որ ներկայումս շարունակվում է՝ Ադրբեջանում և տարածաշրջանում խոշորագույն հողմային էլեկտրակայանի շինարարությունը, որը շահագործման կհանձնվի հաջորդ տարվա վերջին։ Ընդգծվել է, որ աշխատանքները շարունակվում են Acwa Power-ի և Ադրբեջանի էներգետիկայի նախարարության միջև ստորագրված՝ 200 ՄՎտ հզորությամբ էներգիայի պահեստավորման համակարգի ստեղծման համաձայնագրի շրջանակներում, աշխատանքները նախատեսվում է ավարտել մինչև COP29-ը։
 
Հանդիպմանը նշվել է, որ Acwa Power-ը շահագրգռված է՝ Ադրբեջանից Եվրոպա «կանաչ էներգիայի» արտահանման ոլորտում համագործակցությամբ։ Այս առումով, Ադրբեջանի էներգետիկայի նախարարությունը և Acwa Power-ը աշխատում են Կասպից ծովում հողմային էներգիայի նախագծերի վրա, որոնք հաջորդ փուլում «կանաչ էներգիայի» արտահանման համար աղբյուրի դեր կխաղան։