Ի.Ալիևը հաստատել է ԱԻՆ-ի հոբելյանական մեդալի մասին կանոնակարգը

Ադրբեջանի նախագահ Իլհամ Ալիևը հաստատել է՝ «Ադրբեջանի Հանրապետության Արտակարգ իրավիճակների նախարարության 20-ամյակի (2005-2025)» հոբելյանական մեդալի մասին կանոնակարգը:
 
Ինչպես հաղորդում է Caliber.Az-ը, այս մասին տեղեկատվությունը տեղադրվել է պետության ղեկավարի պաշտոնական կայքում։
 
Փաստաթղթի համաձայն՝ հոբելյանական մեդալը կշնորհվի այն անձանց, ովքեր հատուկ ներդրում են ունեցել արտակարգ իրավիճակներին արձագանքման մարմինների գործունեության զարգացման և ամրապնդման գործում, ակտիվ մասնակցություն են ունեցել քաղաքացիական պաշտպանության աշխատանքներին, բնակչությանը և տարածքները արտակարգ իրավիճակներից պաշտպանելուն և դրանց հետևանքները վերացնելուն։