Ի.Ալիևը հաստատել է՝ չորս երկրների միջև «կանաչ» էներգիայի զարգացման մասին համաձայնագրում փոփոխությունները

 Ադրբեջանի նախագահ Իլհամ Ալիևը  հաստատել է՝ Ադրբեջանի, Վրաստանի, Ռումինիայի և Հունգարիայի կառավարությունների միջև այս տարվա սեպտեմբերի 3-ին Բուխարեստում ստորագրված՝ «կանաչ էներգիայի զարգացման և փոխանցման ոլորտում ռազմավարական գործընկերության մասին» համաձայնագրում փոփոխությունների արձանագրությունը։ 

Ինչպես հաղորդում է Caliber.Az-ը, այս մասին տեղեկությունը տեղադրված է Ադրբեջանի Հանրապետության ղեկավարի պաշտոնական կայքում։ Էներգետիկայի նախարարությանը հանձնարարվել է՝ ապահովել արձանագրության դրույթների իարագործումը, արտաքին գործերի նախարարությանը հանձնարարվել է՝ ծանուցում ուղարկել Վրաստանի, Ռումինիայի և Հունգարիայի կառավարություններին՝ արձանագրությունն ուժի մեջ մտնելու համար անհրաժեշտ ներպետական ​​ընթացակարգերի կատարման մասին։