Լեյլա Ալիևան և Օգուլջահան Աթաբաևան այցելել են Բաքվի գրքի կենտրոն

Հուլիսի 16-ին Թուրքմենստանի Խալք Մասլահաթի նախագահ Գուրբանգուլի Բերդըմուհամեդովի դուստրը՝ Օգուլջահան Աթաբաևան և Հեյդար Ալիևի հիմնադրամի փոխնախագահ Լեյլա Ալիևան այցելել են Բաքվի գրքի կենտրոն։
 
AZERTAC-ի փոխանցմամբ՝ Բաքվի գրքի կենտրոնի տնօրեն Գյունել Ռզաևան հյուրին տեղեկացրել է կենտրոնի գործունեության մասին։
 
Նշվել է, որ Բաքվի գրքի կենտրոնը պաշտոնապես գործում է 2018 թվականից։ Հեյդար Ալիևի հիմնադրամի նախաձեռնությամբ և աջակցությամբ ստեղծված կենտրոնը գրքերի առևտրի նոր մոտեցում է ներդնում և վաճառում է տարբեր ժանրերի գրքեր ադրբեջաներեն, ռուսերեն, թուրքերեն, անգլերեն և այլ լեզուներով։ 2500 քառակուսի մետր տարածք զբաղեցնող կենտրոնի առաջին և երկրորդ հարկերում ցուցադրվում են Հեյդար Ալիևի հիմնադրամի հրատարակությունները։ Առաջին հարկում ներկայացված են նաև I Love Baku ապրանքանիշի, Azerpost ԲԲԸ-ի արտադրանքը, ադրբեջաներեն և օտար լեզուներով համաշխարհային բեսթսելլերներ, դասական և գիտահանրամատչելի գրականություն, գեղարվեստական ալբոմներ, զբոսաշրջային ուղեցույցներ, գրենական պիտույքներ և նվերներ: Գրախանութից բացի, առաջին հարկում գործում է Coffeemood սրճարանը: