ՏՀԿ գլխավոր քարտուղարը ցավակցություն է հայտնել Իլհամ Ալիևին

Տնտեսական համագործակցության կազմակերպության գլխավոր քարտուղար Ասադ Մաջիդ Խանը ցավակցական ուղերձ է հղել ԱՀ նախագահ Իլհամ Ալիևին՝ Բաքվից Գրոզնի թռչող AZAL-ի ինքնաթիռի կործանման հետևանքով զոհվածների կապակցությամբ։
 
Այս մասին հայտնում է Caliber.Az-ը՝ հղում անելով Ադրբեջանի նախագահի մամուլի ծառայությանը։
 
«Ձերդ գերազանցություն.
 
Խորապես վշտացած եմ՝ «Ադրբեջանական ավիաուղիներ»-ի ինքնաթիռի ողբերգական վթարի հետևանքով բազմաթիվ զոհերի մասին լուրով։
 
Տնտեսական համագործակցության կազմակերպության անունից խորին ցավակցություն ենք հայտնում Ձերդ Գերազանցությանը, զոհվածների ընտանիքներին և ողջ ադրբեջանական ժողովրդին։
 
Այս վշտի պահին Տնտեսական համագործակցության կազմակերպությունը համերաշխ է Ադրբեջանի կառավարության և ժողովրդի հետ։

«Ձերդ գերազանցություն, ընդունեք մեր բարձրագույն հարգանքը»,- ասված է ՏՀԿ-ի գլխավոր քարտուղարի ուղերձում։