Վերադարձի իրավունք. Ադրբեջանը Ժնևում սպասում է ՄԱԿ-ի աջակցությանը

Ժնևում ՄԱԿ-ի Մարդու իրավունքների խորհրդի 57-րդ նստաշրջանի շրջանակներում կայացել է միջոցառում «Վերադարձի իրավունքը՝ որպես խաղաղության և հաշտեցման կարևոր խթան» թեմայով։ Միջոցառմանը ելույթ է ունեցել Արևմտյան Ադրբեջանի համայնքի և Արևմտյան Ադրբեջանի հեռուստատեսության հասարակայնության հետ կապերի բաժնի ղեկավար, մամուլի քարտուղար Ուլվիա Զուլֆիգարը։

Ինչպես հայտնում է Caliber.Az-ը' հղում անելով համայնքին, Ուլվիա Զուլֆիգարը մասնակիցներին պատմել է Հայաստանի տարածքից ադրբեջանցիների բռնի արտաքսման մասին, որտեղ նրանք ժամանակին բացարձակ մեծամասնություն էին կազմում, և ընդգծել, որ այդ տեղահանության ցավալի հետևանքները դեռևս լուծված չեն։

Նա ասել է, որ վերադարձի թեմայով Հայաստանի կառավարության հետ երկխոսություն սկսելու Արևմտյան Ադրբեջանի համայնքի բազմաթիվ փորձերը մնացել են անպատասխան։ Ավելին, Երևանն անընդհատ հայտարարություններ է անում՝ կասկածի տակ դնելով ադրբեջանցիների վերադարձի իրավունքը. «Հայաստանի կառավարությունը թույլ չի տալիս մեզ այցելել մեր տներն ու սրբավայրերը։

Մենք հույս ունենք, որ միջազգային հանրության և ՄԱԿ-ի իրավապաշտպան կառույցները կաջակցեն մեզ, քանի որ միայն մեր ջանքերը բավարար չեն»։

Միջոցառմանը Հայաստանի ներկայացուցիչը փորձել է «Արևմտյան Ադրբեջան» արտահայտությունը մեկնաբանել որպես տարածքային պահանջներ Հայաստանի նկատմամբ։ Ի պատասխան՝ Ուլվիյա Զուլֆիգարն ընդգծել է, որ համայնքի անվանումը հիմնված է պատմաաշխարհագրական փաստերի վրա և հավելել, որ հասարակական կազմակերպությունը չի կարող տարածքային պահանջներ ունենալ որևէ պետության նկատմամբ։