Բայրամով. Ադրբեջանի եռագույնը հավերժ կծածանվի մեր երկրի ամեն անկյունում

Ադրբեջանի արտաքին գործերի նախարար Ջեյհուն Բայրամովը շնորհավորել է ադրբեջանական ժողովրդին սեպտեմբերի 20-ի՝ Պետական ինքնիշխանության օրվա առթիվ և հարգել Հայրենիքի տարածքային ամբողջականության համար մղվող մարտերում զոհված նահատակների հիշատակը։

Ինչպես հայտնում է Caliber.Az-ը, շնորհավորական ուղերձը հրապարակվել է նախարարի X սոցիալական ցանցի էջում։

«Սրտանց շնորհավորում եմ մեր բոլոր հայրենակիցներին այս արժեքավոր տոնի՝ Պետական ինքնիշխանության օրվա առթիվ:

Գերագույն գլխավոր հրամանատարի գլխավորությամբ ադրբեջանական բանակի փառահեղ հաղթանակը հանգեցրեց մեր ինքնիշխանության ամբողջական վերականգնմանը։ Երախտագիտությամբ հարգում եմ նահատակների լուսավոր հիշատակը, ովքեր իրենց կյանքը նվիրաբերեցին հանուն Հայրենիքի ինքնիշխանության և տարածքային ամբողջականության։ Ադրբեջանի եռագույնը հավերժ կծածանվի մեր երկրի ամեն անկյունում:

Կեցցե Ադրբեջանը»,- ասվում է հրապարակման մեջ։